Të dyshuarit për vrasjen në Pejë i caktohet masa e ndalimit

I dyshuari për vrasjen e së martës në Pejë është arrestuar mbrëmë dhe i është caktuar masa e ndalimit për 48 orë.

Policia e Kosovës ka njoftuar se ai është arrestuar të mërkurën rreth orës 20:15.

Nga i dyshuari, njësiti policor ka sekuestruar një pistoletë me dy karikatorë dhe 7 fishekë. Me vendim të prokurorit, i dyshuari pas intervistimit është dërguar në mbajtje për 48 orë.

Mësimdhënësi Xh.J. dyshohet se vrau babanë e nxënëses së tij. Javë më parë ai është dënuar me 3 vjet e gjysmë burgim nga Gjykata Themelore për sulm seksual ndaj nxënëses, babai i të cilës u vra.

Rasti vazhdon të hetohet.