Drejtori i Përgjithshëm i Policisë së Shtetit, Gledis Nano, ka njoftuar të martën se ka përjashtuar nga detyra oficerin e Policisë, Arjan Tase, i cili dyshohet të jetë autori i tragjedisë ku mbeti e vdekur një 7-vjeçare në plazhin e Potamit në Himarë.
“Për Policinë e Shtetit keqardhja dhe përgjegjësia për këtë ngjarje është e dyfishtë, përveç se në nivel institucional, ashtu edhe në atë njerëzor, si prindër, si familjarë dhe si bashkëqytetarë të këtij vendi”, ka thënë Nano.
Nano pezulloi nga detyra, deri në zbardhjen e plotë të rrethanave të ngjarjes, edhe drejtorin e Drejtorisë Vendore për Kufirin dhe Migracionin në Vlorë, kryekomisar Shpëtim Hasanaliaj.
7-vjeçare humbi jetën teksa lahej në det kur u godit nga një skaf. Skafi po drejtohej nga oficeri Tase, i cili humbi drejtimin e mjetit. Tase ndodhej në Himarë për pushime me familje.
-
Oficeri i policisë që goditi 7-vjeçaren me skaf lihet në burg, flet në gjykatë
-
Policia: Autori kreu manovrime të pakujdesshme me skaf që çuan në vrasjen e 7-vjeçares
-
“Nuk e vrau varka, por shteti”, protestë për vdekjen e 7-vjeçares në Himarë
-
Kikia: Autoritetet të japin zgjidhje afatgjate për plazhet shqiptare
-
Himarë, skafi godet për vdekje 7-vjeçaren teksa lahej në det