Një i moshuar është gjetur i vdekur sot në rrugën Gjilan-Ferizaj.
Ismet Hashani, zëdhënës i policisë për rajonin e Gjilanit e ka konfirmuar lajmin për Koha.net, duke bërë të ditur se vdekja e këtij 63 vjeçari ishte e natyrshme.
“Trupi nuk është dërguar fare për obduksion, pasi kjo ishte vdekje e natyrshme dhe me urdhër të prokurorit trupi i është dërguar familjarëve”, ka thënë Hashani.
Hashani gjithashtu ka treguar se i dyshuari mund të ketë qenë i sëmurë dhe ka pësuar ndonjë sulm pasi gjatë asaj kohe ai ishte duke shkuar drejt mjekut për kontroll.
