Dy këmbësore janë goditur nga një makinë në “Rrugën B”, pasditen e së hënës.
Të dyja kanë marrë lëndime trupore dhe janë duke u mjekuar në QKUK.
Agron Boroci, zëdhënës në Policinë e Kosovës për rajonin e Prishtinës, ka treguar për Koha.net se rasti ka ndodhur rreth orës 16:00
“Aksidenti ka ndodhur mes një automjeti dhe dy këmbësoreve. Si pasojë e aksidentit dy këmbësore kanë pësuar lëndime trupore dhe të njëjtat janë dërguar për tretman mjekësor në QKUK. Me rastin po merret njësiti i trafikut”, ka thënë Boroci.
