33-vjeçari Kujtim Meholli nga fshati Akrashticë e Vushtrrisë u gjet i vdekur afër lumit Sitnica ditën e hënë. Familjarët e tij, që kanë hapur dyert për ngushëllime, nuk kanë pranuar të japin asnjë detaj lidhur me vrasjen e të birit.
Për këtë rast nuk kanë folur as banorë të tjerë të fshatit, meqë ende nuk dinë asgjë, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoPolicia e Kosovës deri tash ka arrestuar 3 persona të dyshuar se mund të kenë lidhje me rastin e cilësuar si “vrasje e rëndë”.
“Përveç arrestimit, hetuesit policorë kanë realizuar edhe kontroll në shtëpinë e të dyshuarve, me ç’rast janë gjetur prova materiale që ndërlidhen me veprën penale”, ka njoftuar Policia nëpërmjet një komunikate për media. As policia nuk i ka qartësuar motivet e kësaj vrasjeje.
Të arrestuarve, që dyshohet se kanë privuar nga jeta 31-vjeçarin, u është caktuar masa e ndalimit prej 48 orësh.
Familjarët e të ndjerit, që ishte punëtor në “Trepçë”, fillimisht e kishin njoftuar policinë se i ndjeri Kujtim Meholli ishte zhdukur. Sipas burimeve nga familja, atë e kishte thirrur dikush në telefon pas mesnatës dhe kishte dalë për ta takuar atë person në fshat.
Ndërkaq, rreth orës 7 të mëngjesit ishin vetë familjarët që e kishin gjetur trupin e pajetë buzë lumit Sitnica, afër fabrikës së Llamarinës.
Varrimi i të ndjerit u bë sot në ora 18 në varrezat e fshatit.