Policia e Kosovës njoftoi se një qytetar ka raportuar se në Prizren është tentuar të digjet dera e kishës ortodokse “Shën Pantelija”, në rrugën “Haxhi Krasniqi”.
Sipas Policisë, disa të dyshuar kanë tentuar ta djegin atë, derisa një qytetar ka reaguar duke e fikur zjarrin pa u shkaktuar dëme të mëdha.
“Patrulla policore i është përgjigjur rastit dhe me të arritur në vendngjarje konfirmojnë se në vendin e ngjarjes kundërmon era e benzinës dhe është një shishe e plastikës që është djegur”, thuhet në njoftimin policor.
Autoritetet njoftuan se janë mbledhur provat dhe dëshmitë, ndërsa prokurori e ka iniciuar rastin si “shkaktim i rrezikut të përgjithshëm”.
Artikuj të ngjashëm
-
Zjarri në derën e Kishës së Shën Pantelisë në Prizren – rast i izoluar
-
Disa persona tentojnë ta djegin një restorant në Prizren
-
Dy të maskuar hodhën benzinë në shkollë, tentuan ta digjnin
-
Kisha Ortodokse Serbe mirënjohëse ndaj Policisë së Kosovës për reagimin në rastin e incidentit në kishën në Prizren
-
Hovenier dënon sulmin në kishën në Prizren