Bastiset sërish argjendaria në Prishtinë, pronari i së cilës u arrestua në lidhje me grabitjen në Suharekë

Pjesëtarët e Njësisë Speciale Intervenuese, kanë rrethuar argjendarinë, pronari i së cilës është arrestuar për bashkëpunim me grupin të cilët kanë kryer grabitjen në Suharekë.

NJSI-ja është duke bërë bastisje sërish në këtë argjendari.

Nga ky aksion janë duke u konfiskuar sërish stoli ari, ndërkaq brenda lokalit ka hetues policorë dhe zyrtarë nga Dogana.

Forca të shtuara të NJSI-së janë të pranishme, ndërsa është thyer edhe dera e një lokali aty pranë. Në një moment policët ndaluan një person, që kishte nxituar të futet në një shtëpi, por e lëshuan atë më pas. 

Burime të KOHËS kanë bërë me dije se brenda argjendarisë është gjetur një bunker i mbushur me stoli ari, porse nuk mund të konfiskohet pa kërkesën e Prokurorisë

Nga ngjarja e grabitjeve në Suharekë, një person është vrarë, dy policë janë plagosur një është lënduar dhe shtatë të dyshuar janë arrestuar.

Edhe Kronikë 4 dhj 2023 Vazhdon bastisja në argjendarinë në Prishtinë, në lidhje me grabitjen në Suharekë