Bashkëshortja e Oliver Ivanoviqit, Milena Popoviq Ivanoviq, pas marrjes së lajmit për vrasjen e bashkëshortit të saj, sipas “Blicit”, tha se “Dihet kush e ka bërë këtë, por ata që e kanë bërë këtë duhet ta dinë se kjo nuk do të kryhet aq lehtë”, transmeton Koha.net.
Gazeta “Blic” e Beogradit raporton hollësi të reja rreth vrasjes së sotshme të Oliver Ivanoviqit, liderit të Iniciativës Qytetare.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMbi Oliver Ivanoviqin atentatorët shtinë nga rruga, e pastaj ikën me veturën e tipit “Opel Stra”, të cilën e kanë djegur, shkruan kjo gazetë, transmeton Koha.net.
Në momentin e vrasjes, Ivanoviq ndodhej në shkallë, në hyrje të ambienteve të partisë së tij. Mbi të u shti pas shpine, nga “Nëntëshja” e gjatë.
Sipas kësaj gazete u shti nga revolja me shurdhues (silanciator). Është shtënë disa herë. Gazeta thotë se ndaj Ivanoviqit nga largësia është shtënë pesë herë, e pastaj atentatori i është afruar dhe mbi të ka zbrazur edhe një plumb nga afërsia.
Ivanoviqin e plagosur rëndë e ka gjetur fqinja që po shkonte në dyqan dhe ajo menjëherë ka thirrur urgjencën, ndërsa në ndihmë i kanë dalë edhe bashkëpartiakët që ndodheshin në ambientet e partisë .
Avokati i tij Nebojsha Vllajiq tha se Ivanoviq “duket se vdiq në vendin e ngjarjes. Sa dimë deri më tash, ai kishte pesë plagë”, transmeton Koha.net raportimin e “Blicit” të Beogradit.
Bashkëshortja e Ivanoviqit, Milena Popoviq Ivanoviq, pas marrjes së lajmit për vrasjen e bashkëshortit, sipas “Blicit”, tha se “Dihet kush e ka bërë këtë, por ata që e kanë bërë këtë duhet ta dinë se kjo nuk do të kryhet aq lehtë”.
Rada Trajkoviq, ish-deputetja e Kuvendit të Kosovës, tha se “Kjo është një ditë e zezë për të gjithë ne serbët e Kosovës. Humbëm njërin nga liderët kryesorë”.