Drejtoria Rajonale e Policisë në Gjakovë në kuadër të aktiviteteve të vazhdueshme në hetimin dhe parandalimin e veprave të ndryshme penale me sukses ka arritur të bëjë arrestimin e një personi dhe të konfiskojë një sasi të konsiderueshme të armëve ilegale.
Përmes një komunikate bëhet e ditur se me datën 22.02.2019 stacioni policor në Gjakovë ka marrë informacion për një rast vjedhje grabitqare, ku personi i dyshuar kishte hyrë në një furrë buke i maskuar dhe duke përdorur një mjet të mprehtë nën presionin e kanosjes kishte vjedhur kasafortën me të holla si dhe një telefon mobil e po ashtu gjatë përleshjes me viktimën ky i fundit kishte pësuar lëndime trupore.
Pas një pune operativo-hetimore me datën 28.02.2019 është arritur të identifikohet dhe të arrestohet personi i dyshuar:
S. S. mashkull 37 vjeç, shtetas i Republikës së Kosovës.
Policia ka siguruar prova të mjaftueshme të cilat i janë dorëzuar në prokurori dhe ndaj personit të dyshuar është ushtruar kallëzim penal policor. Me vendim të prokurorit të shtetit personit të dyshuar i është caktuar masa e ndalimit prej 48 orësh.
Edhe
Arrestohet në Gjakovë i dyshuari për shtatë vjedhje në lokale afariste
Me datën 28.02.2019 Sektori i Hetimeve nga stacioni policor në Gjakovë ka realizuar një operacion bastisjeje në fshatin Smolicë të Gjakovës, konform urdhëresës së lëshuar nga Gjykata Themelore ku si rezultat i një pune operative dhe hetimore që hetuesit policorë kanë bërë, janë gjetur dhe janë konfiskuar: dy armë automatike AK-47, një armë gjysmë automatike dhe municion në sasi të konsiderueshme.
Personi i dyshuar është arrestuar nga Policia dhe pas procedimit në konsultim me prokurorin i njëjti është liruar në procedurë të rregullt.
-
Burri i armatosur mbyll në shtëpi bashkëshorten e vëllain e saj, arrestohet
-
Arrestohet për detyrim një burrë në Gjakovë, dyshohet se kërkoi 280 mijë euro nga një person
-
Operacion policor në Gjakovë, arrestohet një person e kapen dy armë
-
Arrestohen dy persona të dyshuar për vjedhje në ngrohtoren e Gjakovës