Është arrestuar një 62-vjeçar nën dyshimin se kishte vrarë një dhi të egër mbi fshatin Mushnikov më 31 korrik.
Policia e Kosovës ka njoftuar se në një pikë kontrolli në Sreck ishte ndaluar një automjet me targa vendore nën dyshimin për gjueti të paligjshme. Por, në momentin kur të dyshuarit i ishte thënë të hapte bagazhin ai kishte ikur.
Policia gjatë hetimit të rastit ka arritur ta identifikojë të dyshuarin, D.A. të moshës 62-vjeçare.
Të martën gjatë kontrollit i janë konfiskuar atij një pushkë përsëritëse, një pushkë gjuetie, 23 fishekë dhe një thikë 15 centimetra që i dyshuari e mbante pa leje.
Ndaj të dyshuarit është iniciuar rast për gjueti të paligjshme, mbajtje në pronësi, kontroll posë posedim i paautorizuar i armëve.
“I dyshuari është liruar në procedurë të rregullt, ndërsa rasti po hetohet nga hetuesit e stacionit policor në Prizren”, thuhet në njoftimin e Policisë.
