Arrestohet një person në Prishtinë, dyshohet se shtiu me armë në një aheng

Policia e Kosovës ka arrestuar një person në Llukarë të Prishtinës pasi dyshohet se kishte shtënë me armë zjarri në një aheng familjar.

Pos arrestimit të B.G., 33-vjeçar, Policia ka arritur të sekuestrojë një revole dhe 25 fishekë.

“Ndaj të dyshuarit me aktvendim të prokurorit të shtetit është shqiptuar masa e ndalimit prej 48 orësh, për veprat ‘Shkaktim i rrezikut të përgjithshëm si dhe Mbajtje në pronësi, kontroll ose posedim të pa autorizuar të armës’ për t’u proceduar më tej në procedurë, thuhet në njoftim.