Arrestohet një person në Malishevë, asgjësohen 4 mijë bimë kanabis

Policia e Kosovës ka arrestuar një person me inicialet A.M. në një fshat të Malishevës të premten. Atij iu asgjësuan edhe 4 mijë bimë të kultivuara të llojit kanabis sativa.

Sipas njoftimit të Policisë, 2720 bimë kanabis iu gjetën në shtëpi, ndërsa në një parcelë tjetër jashtë shtëpisë iu asgjësuan edhe 928 bimë dhe 624 bimë më të vogla narkotike të llojit të njëjtë.

Gjatë kontrollit, Policia konfiskoi edhe katër fishekë, një automjet dhe preparate që shërbejnë për kultivimin e bimëve narkotike.

I dyshuari është dërguar në mbajtje.

{gallery}