Arrestohet një person në Ferizaj, sulmoi vëllain e vet

Është arrestuar një person në Ferizaj, ai dyshohet se e ka sulmuar vëllain e tij të martën pasdite.

I dyshuari G.L. 25-vjeçar, thuhet se është përsëritës i rasteve të dhunës në familje. Sipas njoftimit të Policisë ai dyshohet se ka sulmuar vëllain A.L. 21-vjeçar pas një mosmarrëveshje.

I dyshuari është intervistuar dhe është dërguar në mbajtje për 48 orë.

“Stacioni policor në Ferizaj nga Drejtoria Rajonale e Policisë në Ferizaj, dje me datën 22.02.2022 rreth orës 18:00 ka pranuar një informacion se në rrugën ‘’Astrit Bytyqi’’ në Ferizaj është një rast i sulmit . Në lidhje me këtë policia i ka marr veprimet e nevojshme dhe menjëherë ka dalë në vendin e ngjarjes dhe ka arrestuar personin e dyshuar me inicialet G.L (M/K) i moshës 25 vjeçar, përsëritës i rasteve të dhunës në familje, i cili shkak i një mosmarrëveshje kishte sulmuar vëllain e tij me inicialet A.L ( M/K) i moshës 21 vjeçar. Policia , të dyshuarin e ka shoqëruar në stacionin policor në Ferizaj dhe pas intervistimit nga hetuesit policor, me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë , për procedura të mëtejme hetimore. Rasti është cilësuar ‘’Sulm’’”, thuhet nga Policia e Kosovës.