Gjashtë persona janë arrestuar, mbi 82 kilogramë substanca narkotike, armë dhe automjete të ndryshme janë konfiskuar nga Policia e Kosovës në rajonin e Gjilanit dhe të Prishtinës të dielën. Kjo është kryer pas një aksioni policor, ku janë kontrolluar katër lokacione; një në Prishtinë, një në Fushë-Kosovë dhe dy shtëpi në Gjilan.
“Arrestimi i personave të dyshuar është bërë mbi dyshimin e bazuar për përfshirje në veprat penale “Blerja ,posedimi shitja dhe shpërndarja e paautorizuar e narkotikëve, substancave psikotrope ose analoge”, “Mbajtja nën kontroll dhe shfrytëzim i paautorizuar i armëve”, “Prodhimi dhe shpërndarja e produkteve të dëmshme mjekësore dhe pa banderolë” si dhe “Shmangia nga pagesat e detyrueshme doganore ose tarifave akcizore”, thuhet në njoftim.
Personat e arrestuar janë dërguar në mbajtje për 48 orë.
Provat e tjera të sekuestruara janë: 100 paketime barna të kontrabanduara, 1 pushkë gjuetie me 35 predha, 1 armë e gjatë me një karikator, 1 revole TT me 6 predha, 1 dylbi e armës së gjashtë me 174 predha, 5 vetura dhe 15.774 euro.
-
Operacioni policor çon në kapjen e 3 kilogramëve marihuanë, të dyshuarit në mbajtje
-
Katër të arrestuar në aksionin në Prishtinë e Ferizaj, sekuestrohen 60kg marihuanë
-
Konfiskohen mbi 76 kilogramë narkotikë e arrestohen tre persona
-
Kapen katër persona në Prishtinë, iu gjet drogë në vlerë të 15.000 eurove
-
Arrestohet një i dyshuar në Prishtinë, i gjenden në shtëpi armë dhe marihuanë