Dy persona janë arrestuar në Prizren të enjten, me dyshimin se i kanë vënë flakën trafos së energjisë elektrike në fshatin Gjonaj.
Policia e Kosovës i ka thënë KOHËS se të dyshuarit, njëri R.D., 52-vjeçar dhe tjetri P.M., 40-vjeçar, kanë pasur pakënaqësi me furnizim me energji elektrike dhe më pas kanë kryer veprën “zjarrvënie”.
Të dyshuarve u është caktuar masa e ndalimit prej 48 orësh.
“Kundër të dyshuarve ka filluar procedura penale për veprën ‘zjarrvënie’ dhe ‘asgjësim, dëmtim apo shkatërrim i instalimeve publike’”, thuhet në zëdhënësit të Policisë për rajonin e Prizren, Shaqir Bytyqi.
