Policia e Kosovës ka bërë të ditur se sot rreth orës 15:30 ka ndodhur një aksident trafiku në fshatin Lluzhan të Podujevës.
Zëdhënësja e Policisë së Kosovës për rajonin e Prishtinës, Flora Ahmetaj ka bërë të ditur për KOHËN se aksident ka ndodhur mes dy automjeteve dhe si pasojë e tij një person ka pësuar lëndime trupore.
“Rreth orës 15:30 kemi pranuar informatën se në fshatin Lluzhan të Podujevës, ka ndodhë një aksident trafiku në mes të dy automjeteve. Si pasojë e aksidentit lëndime trupore ka pësuar një person. I njëjti është dërguar për trajtim mjekësor. Me rastin po merret njësiti i trafikut”, ka bërë të ditur Ahmetaj.
