Prokuroria Themelore në Prishtinë ka njoftuar të shtunën se ka kërkuar 30 ditë paraburgim për shoferin e autobusit në lidhje me aksidentin fatal që ndodhi mëngjesin e së premtes në rrugën Prishtinë – Podujevë, e ku humbën jetën dy persona.
Sipas zëdhënëses së Prokurorisë, Laureta Ulaj, shoferi akuzohet për veprën penale “Rrezikimi i trafikut publik me fatalitet”.
“Me 29.07.2022, prokurori i çështjes ka paraqitur kërkesë për caktim te paraburgimit ndaj te pandehurit F.I., shofer i autobusit, për veprën penale “Rrezikimi i trafikut publik” (me fatalitet).”, thuhet në deklaratën e Ulajt.
Burrë e grua, 36 dhe 35 vjeç, humbën jetën në aksidentin tragjik që ndodhi të premten në rrugën Prishtinë – Podujevë. Ndërkaq, dy fëmijët e tyre janë në QKUK, sipas mjekëve, në gjendje stabile.
Aksidenti ndodhi si pasojë e përplasjes së veturës ku ishin viktimat me një autobus.
-
Arrestohet shoferi i autobusit për aksidentin fatal në Podujevë
-
Dy të vdekur e dy të lënduar në aksidentin në rrugën Prishtinë-Podujevë
-
Dy të vdekur në një aksident në Podujevë
-
Policia gjobit operatorët e linjës Podujevë-Prishtinë që po protestojnë para Komunës
-
Autobusët e linjës Podujevë – Prishtinë në grevë, qytetarët presin me orë të tëra