Një person ka marrë lëndime trupore pas një aksidenti në trafik që ka ndodhur sot në kryeqytet.
Në aksident ishin të përfshira një kamionetë dhe një motoçikletë. Rastin për Kohën e ka konfirmuar zëdhënësja e Policisë, Flora Ahmeti.
“Rreth orës 16:00 në udhëkryqin e rrugëve “Xheladin Rekaliu” dhe “Hyzri Talla” në Prishtinë, ka ndodhur një aksident trafiku mes një automjeti (kamionetë) dhe një motoçiklete. Si pasojë e aksidentit lëndime trupore ka pësuar ngasësi i motoçikletës. I njëjti është dërguar për tretman mjekësor. Me rastin po merret njësiti i trafikut”, ka thënë ajo.
Artikuj të ngjashëm