Një aksident mes një treni dhe një veture të tipit Toyota ka ndodhur në mesditë në rrugën që shpie te Aeroporti Ndërkombëtar “Adem Jashari”.
Sipas policisë, si pasojë e aksidentit tre persona kanë pësuar lëndime të lehta trupore.
“Rreth orës 12:00 policia ka pranuar një informacion se në rrugën e re që shpie për te Aeroporti Ndërkombëtar, në fshatin Sllatinë ka ndodhur një aksident trafiku mes një automjeti Toyota dhe një treni. Si pasojë e aksidentit tre persona kanë pësuar lëndime të lehta trupore. Të njëjtit pas tretmanit mjekësor janë liruar në shtëpi. Me rastin po merret njësiti i trafikut”, ka thënë për Koha.net, zëdhënësja e Policisë për Rajonin e Prishtinës, Flora Ahmeti.
