821 gjoba për mosrespektim të masave antiCOVID në 24 orët e fundit në Kosovë

Policia e Kosovës ka shqiptuar 821 tiketa për mosrespektim të masave antiCOVID gjatë 24 orëve të fundit.

Numri i gjobave për mosrespektim të masave ka filluar të rritet ditëve të fundit, me hyrjen në fuqi të masave të reja.

Policia e Kosovës ka njoftuar edhe se gjatë 24 orëve të fundit janë shqiptuar 945 tiketa trafiku, ndërsa janë shkaktuar 33 aksidente trafiku me dëme materiale e 21 me të lënduar. Janë arrestuar 17 persona, tetë janë dërguar në mbajtje, dy në ndalim policor e dy në vuajtje të dënimit.