Pjesa më e madhe e viktimave të trafikimit të qenieve njerëzore në Skoci janë nga Shqipëria, Vietnami dhe Kina.
Këto janë të dhënat e publikuara në një hartë të re të hartuar nga policia skoceze në bashkëpunim me organizatat jo qeveritare për mbrojtjen e të drejtave të njeriut, transmeton Syri.net. Harta e publikuar në median skoceze “The Herald” ka për qëllim të rrisë ndërgjegjësimin publik për krimin.
Sipas statistikave të Agjencisë Kombëtare të Krimit të Skocisë, numri i viktimave të raportuar në Skoci për vitin 2016 ishte 150 persona, një e treta e tyre ishin fëmijë.
Skocia ka 3,9 për qind të numrit të viktimave të trafikimit nga 3805 viktima të regjistruara në të gjithë Mbretërinë e Bashkuar.
Fëmijët janë grupi më i dobët për trafikimin e qenieve njerëzore. Një raport i mëparshëm mbi trafikimin dhe emigrimin e paligjshëm të fëmijëve tregon se shqiptarët kryesojnë në listën e fëmijëve të humbur në sistemin e azilkërkuesve në Britani.
Ndërkohë që emigrimi i paligjshëm i shqiptarëve po kthehet në shqetësimin kryesor për vende të ndryshme të BE-së.
-
Fëmijët po humbin në mes të kaosit në kufirin ukrainas, raportohet edhe për raste trafikimi
-
Rreth 60% e viktimave të trafikimit në Kosovë janë fëmijë
-
Në Kosovë për një vit e gjysmë janë raportuar 343 raste personash të zhdukur
-
Sipas Agjencisë Kombëtare të Krimit në Britani, vjet u trafikuan 947 shqiptare
-
Bie numri i rasteve të trafikimit me qenie njerëzore