Policia në Ferizaj ka arritur që në flagrancë të arrestojë dy persona të dyshuar duke kryer veprën penale vjedhje e rëndë.
Rasti ka ndodhur dje rreth orës 02:55 minuta në Ferizaj, në rrugën “Dëshmorët e Kombit”, ku të dyshuarit, K.I. (m/ sh/Shqipërisë 23 vjeç) dhe i mituri (m/sh/Shqipërisë 17 vjeç) me forcë kanë hyrë në një kioskë për të vjedhur dhe janë arrestuar nga polica.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Të dyshuarit në prezencë të avokatëve kanë pranuar në tërësi veprën e kryer dhe pas intervistimit, me urdhër të prokurorit ndaj të dyshuarve është shqiptuar masa e ndalimit policor për 24 orë dhe pas kompletimit të lëndës, rasti procedohet me procedurë të shpejtë në Gjykatë”, thuhet në raportin e policisë, transmeton Koha.net.
Sipas policisë, 17 vjeçari gjithashtu është i dyshuar se me datë 13.01.2020 ka kryer edhe një rast “vjedhje e rëndë” në një lokal në Ferizaj, ku janë vjedhur një sasi e cigareve me vlerë 400 euro, 20 euro para të gatshme dhe mbushje telefoni në vlerë 15 euro.