Ky është Sabit Gashi nga Suhareka, fotografia e së cilit po keqpërdoret nga disa qytetarë në Maqedoninë Veriore për të përfituar para. Duke u paraqitur me emra të ndryshëm ata po kontaktojnë me bashkëkombësit në Shqipëri, duke u thënë se gjatë një udhëtimi me familjen në Maqedoni, kanë bërë aksident dhe fëmijët janë në gjendje të rëndë shëndetësore. Madje, tërheqjen e parave ata po e bëjnë nga institucionet financiare dhe me numra personal të pasaportave.
Por, qytetarët pasi kishin kuptuar se kanë rënë pre e mashtrimit, kishin nisur kërkimet për Gashin, i cili vetëm brenda dy muajve të fundit ka pranuar pesë telefonata. E personat target janë ata që përmes fotografive shihen se bëjnë jetë të mirë dhe mbajnë foto me fëmijët.
Me disa prej tyre ka biseduar edhe Top Channel të cilët pa dashur të flasin para kamerës kanë thënë se po vazhdojnë t’i mbajnë dëshmitë në rast nevoje të raportimit në polici.
Gashi të gjitha faktet i ka dorëzuar tek Policia e Kosovës, prej të cilëve po pret që në bashkëpunim me Policinë maqedonase t’i vënë para drejtësisë mashtruesit./Top Channel
-
Mashtruan duke kërkuar ndihmë për shërim jashtë vendit, Policia në kërkim të dy personave
-
Gashi për arrestimin e gjuetarëve serbë: Nuk mund të jenë persona të thjeshtë
-
Mashtronte qytetarët duke përdorur emra të personave publikë, kërkohet i dyshuari për 15 vepra penale
-
Arrestohet i dyshuari për shantazh, i kërkoi para dhe e kanosi me publikim të fotografive një burrë
-
Shantazhi në internet për para – dyshohet për më shumë viktima