Policia jep detaje të plagosjes në Pejë, sulmuesi në pranga e i plagosuri në spital Foto ilustrim

Arrestohet edhe personi i tretë për plagosjen në Pejë

10 September 2019 17:08
18:32

Policia e Kosovës, njofton se pas një pune intensive operativo-hetimore ka arritur që ta arrestojë edhe personin e tretë të dyshuar të rastit të plagosjes sot në rrugën “Nëna Tereze”- Pejë.

Ndërkohë, policia po punon intensivisht për arrestimin e personit të katërt të këtij incidenti me armë.

Si pasojë e këtij incidenti një person është plagosur, i njëjti është dërguar në Spitalin Rajonal në Pejë, për trajtim të mëtutjeshëm dhe sipas ekipit mjekësor gjendja e tij është jashtë rrezikut për jetë.

17:08

Policia jep detaje të plagosjes në Pejë, sulmuesi në pranga e i plagosuri në spital

Policia e Kosovës njofton se rreth orës 12:43 të ditës së sotme, është njoftuar për të shtëna me armë zjarri në rrugën “Nëna Terezë”, në Pejë.

“Menjëherë njësitet relevante të policisë kanë shkuar në vendngjarje për të mësuar të gjitha rrethanat lidhur me rast. Si pasojë e këtij incidenti një person është plagosur, i njëjti është dërguar në Spitalin Rajonal në Pejë, për trajtim të mëtutjeshëm dhe sipas ekipit mjekësor gjendja e tij është jashtë rrezikut për jetë”, thuhet në njoftimin e PK-së.

Policia njofton tutje se ka zbuluar identitetin e personit të dyshuar dhe pas një pune intensive operativo-hetimore është arrestuar 1 (një) person i dyshuar dhe është në kërkim të 2 (dy) personave të tjerë të involvuar në këtë rast, identiteti i të cilëve është i njohur për Policinë, po ashtu edhe personi i plagosur i cili është në Spital, konsiderohet të jetë i dyshuar.

“Të gjitha veprimet policore janë ndërmarrë në koordinim të plotë me prokurorin e shtetit”, thuhet në njoftim.

© KOHA. Të gjitha të drejtat janë të rezervuara.

Komentet

Shto koment

Të ngjashme