Gjendet e vdekur një grua në Pejë

Një grua Sh.S 44 vjeçare nga Gjakova është gjetur pa shenja jete, sot në Pejë.

Sipas njoftimit të Policisë ajo është gjetur në rrugën “Remzi Hasani” e shtrirë në rrugë, ndërkaq njësitet policore së bashku me autoambulancë kanë shkuar në vendin e ngjarjes dhe viktima është dërguar në spital ku edhe është konstatuar vdekja e saj.

Sipas mjekëve, viktima nuk kishte shenja dhunë dhe shkaku i vdekjes sajë mund të jetë vdekje natyrale, të cilën përfundimisht do ta përcaktojë autopsia.

“Vendit të ngjarjes ju kanë përgjigjur të gjitha njësitet relevante të Policisë së Kosovës, Sektori i Hetimeve Rajonale DRP Pejë dhe lidhur më ketë rast është konsultuar Prokurori i shtetit – (Departamenti i Krimeve të rënda), i cili ka urdhëruar që trupi i pa jetë i viktimës të dërgohet për autopsi”, thuhet në njoftim.

Sipas Policisë, rasti i vdekjes është duke u trajtuar në bashkëpunim me Prokurorin e shtetit si ‘Hetim i vdekjes’, po ashtu është arrestuar dhe ndaluar i dyshuari R.H. (1974), i cili është i dyshuar për veprën penale ‘ Mosdhënia e ndihmës’.