Kronikë

Nga një muaj paraburgim ndaj dy të dyshuarve për trafikim me narkotikë

Nga një muaj paraburgim ndaj dy të dyshuarve për trafikim me narkotikë

Gjykata Themelore e Prizrenit, Departamenti i Përgjithshëm Penal, duke vendosur sipas kërkesës së Prokurorisë Themelore të Prizrenit, ka caktuar masën e paraburgimit në kohëzgjatje prej 30 (tridhjetë) ditësh, ndaj të pandehurit me iniciale A.S., nga Prizreni, dhe zëvendësimin e masës së arrestit shtëpiak me paraburgim ndaj të pandehurës me iniciale B.N. nga Prizreni për blerje, posedim, shpërndarje ose shitja e paautorizuar e narkotikëve, substancave psikotrope dhe analoge, bëhet e ditur përmes një komunikate për media.

Tutje thuhet se masa e paraburgimit do t’iu llogaritet prej datës së arrestimit, datës 19.08.2019, prej orës 05:30, dhe do të zgjasë deri më datën 18.09.2019.