Kosovari shkakton aksident në rrugën Milot-Mamurras, ndërron jetë këmbësorja

Kosovari shkakton aksident në rrugën Milot-Mamurras, ndërron jetë këmbësorja

16 August 2019 08:56

Një aksident me pasojë vdekjen e një gruaje 54 vjeç ka ndodhur mëngjesin e sotëm në autostradën Lezhë-Tiranë, në afërsi të vendit të quajtur “Mbikalimi i Patokut”.

Ngjarja ka ndodhur rreth orës 07:15, kur vetura e tipit Volkswagen me drejtues shtetasin H.A., banues në Kosovë, ka aksidentuar shtetasen këmbësore A.M., 54 vjeçe, banuese në Mirditë e cila ka ndërruar jetë rrugës për në spital.

Gruaja në momentin e aksidentit ka qenë duke tentuar të kalojë në anën tjetër të rrugës, përmes superstrades.

Drejtuesi i mjetit është shoqëruar në ambientet e Policisë për veprime të mëtejshme hetimore procedurale.

Grupi hetimor vazhdon veprimet hetimore në vendngjarje për zbardhjen e plotë të rrethanave të aksidentit./tch

Komentet

Shto koment

Të ngjashme