Shqipëria nis kërkimin e dy radikalëve fetarë që ofendonin myslimanët nga Kosova dhe Maqedonia e Veriut Foto: Ilustrim

Shqipëria nis kërkimin e dy radikalëve fetarë që ofendonin myslimanët nga Kosova dhe Maqedonia e Veriut

13 August 2019 18:28

Disa video të publikuara me datë 12 gusht nga portali Insajder në Kosovë, ka bërë që policia shqiptare të nisë hetimet për dy persona.

Luigi Marku dhe Anton Zefi, të dy nga Shqipëria, dëgjohen në video teksa ofendojnë besimtarët myslimanët nga Kosova dhe Maqedonia e Veriut të cilët pushimet kanë vendosur t’i kalojnë në bregdetin shqiptar, raporton Top Channel.

Në video, Marku dhe Zefi u drejtohen myslimanëve të Kosovës dhe Maqedonisë së Veriut, dukë u thënë se për ta nuk ka vend në Shqipëri.

Përmbajtjen e këtyre videove, drejtoria e antiterrotit shqiptar e ka cilësuar vepër penale për "Nxitje të urrejtjes ose grindjeve”, dhe për këtë arsye të dy personat në video janë shpallur në kërkim.

Sipas hetimeve dhe këqyrjes së sistemit TIMS, personazhet e këtyre videove rezultojnë të jenë jashtë territorit të Shqipërisë.

Anton Zefi nga Malësia e Madhe dhe Luigi Marku nga Kallmeti i Lezhës, do të përballen me drejtësinë e Shqipërisë, ndërkaq hetimet e mëtejshme po kryhen nga prokuroria e Shkodrës dhe e Lezhës, për të gjetur të tjerë persona të përfshirë në këto aktivitete.

“Kombi shqiptar mbështetet mbi vlerat e tij historike të lirisë, paqes me fqinjët dhe kombet e tjera, bashkëjetesës dhe harmonisë ndër fetare. Këto janë vlera qytetëruese që rrezatojnë në botë dhe kontribuojnë në të ardhmen evropiane të rajonit”, theksohet në komunikatën e Policisë së Shtetit.

Ndërkaq, Koha.net raporton se në profilin e tij në Facebook, Marku është vërshuar me komente fyese e ofenduese, ndërsa ai ka polemizuar me komentuesit duke vazhduar fyerjet e ofendimet ndaj myslimanëve të Kosovës.

“Po jau shk****** njat gjak sí keni te perziem me s**** turkut more k**** arabe sé katolikt jau dhán pamvarsin America edhe evropa sé ke tuju ba serbi sapun jau q***** rracen meth ju te hani buken é te permisni kupen pleha Islam”, ka shkruar Marku në një prej komenteve të para pak minutave.

Komentet

Martin Gjoni14/08/2019 15:22

Keta nuk jan radikal fetar, keta jan njerez te paguar nga Serbia per ti qit keto video, ose nuk ekzistojn fare keta dy emna, por vetem ashte nji montim i thjeshte. Por edhe nese jan shqiptar, ateher kjo nuk don koment, ata jan tu i shit krejt gra e vajza serbeve , tu e shit nderin e familjes se tyne me pare, kurse keso deklarata japin per pak pare.

Agim Xhelili 14/08/2019 15:21

Bravo per shtetin Shqiptar

Shto koment

Të ngjashme