Rrokulliset traktori, shoferi mbetet nën të dhe vdes Foto: Ilustrim

Policia jep detaje për vdekjen në Kamenicë, ku shoferi mbeti nën traktor

21 March 2019 10:23
11:40

Policia e Kosovës nga rajoni i Gjilanit, ka dhënë detaje për vdekjen e shoferit i cili mbeti nën traktor kur ai u rrokullis.

“Me 20 mars 2019 rreth orës 16:31, Policia e Kosovës ka pranuar një informatë se në një pyll në fshatin Krenidell një person ishte rrokullisur me traktor. Policia e Kosovës me urgjencë ka dalë në vendin e ngjarjes. Nga hetimet e para në vendin e ngjarjes mësohet se viktima shqiptar shtetas i Kosovës R.Th.(1947) me banim në fshatin Muqiverc komuna Kamenicë me traktorin e tij ka shkuar ne pyll në fshatin Kranidell për të prerë dru”, njofton polivia.

Gjatë lëvizjes me traktor rreth 1.5 km larg nga rruga kryesore Muqiverc-Kranidell në vendin e quajtur ,,Shavarina” traktori i tij është rrokullisur dhe drejtuesi besohet të ketë mbetur nën traktor.

“Në vendin ngjarjes kanë dalë patrulla policore, njësiti i Hetimeve, Brigada e Zjarrfikëseve si dhe mjeku kujdestar i Qendrës së mjekësisë familjare- Kamenicë i cili ka konstatuar vdekjen e viktimës. Po ashtu ne vendin e ngjarjes ka dalë prokurori i shtetit i krimeve të rënda. Trupi i pa jetë i viktimës dërgohet ne Institutin e Mjekësisë Ligjore për obduksion, në mënyrë që të dihen se si ka ndodhur rasti. Policia e Kosovës është duke i hetuar të gjitha rrethanat e këtij rasti të rëndë”, përfundon njoftimin Policia.

10:23

Rrokulliset traktori, shoferi mbetet nën të dhe vdes

Në fshatin Kranidell të Kamenicës, ka vdekur një shofer i cili ishte duke vozitur një traktor.

Në raportin 24 orësh të Policisë së Kosovës, bëhet e ditur se për shkaqe të panjohura, traktori u rrokullis derisa po lëvizte në një pyll.

“Drejtuesi ka mbetur nën të. Në vendin e ngjarjes kanë dalë njësitë relevante policore, njësiti i zjarrfikësve dhe mjeku kujdestar i QKMF në Kamenicë, i cili edhe ka konstatuar vdekjen e viktimës”, thuhet në raport të policisë.

Me vendim të prokurori trupi i pajetë i viktimës është dërguar për obduksion në IML.

© KOHA. Të gjitha të drejtat janë të rezervuara.

Komentet

Shto koment

Të ngjashme