Arrestohet i dyshuari për disa vjedhje nëpër lokale në Prizren e Suharekë Foto: Ilustrim

Arrestohet i dyshuari për disa vjedhje nëpër lokale në Prizren e Suharekë

20 nëntor 2018 11:06

Me datën 19 nëntor, rreth orës 12:30 në Prizren, pas një pune hetimore të njësiteve relevante policore, është arritur të identifikohet dhe të arrestohet një person i dyshuar (E. SH.) i cili ishte në kërkim policor.

I arrestuari dyshohet të jetë përfshirë në gjashtë vepra penale ‘vjedhje e rëndë’, të kryera në Prizren dhe Suharekë, “ku i njëjti ka depërtuar në lokale afariste dhe në mënyrë të paligjshme ka përfituar gjësende të ndryshme, të holla, telefona mobilë, pije energjike dhe të tjera”.

Lidhur me rastin janë ndërmarrë të gjitha veprimet e nevojshme procedurale, duke përfshirë intervistimin e personit të dyshuar, ku pas intervistimit të njëjtit me urdhër të prokurorit të shtetit i është shqiptuar masa e arrestit për 48 orë.

© KOHA. Të gjitha të drejtat janë të rezervuara.

Komentet

Shto koment

Të ngjashme