Kronikë

Dënohet me 3 vjet e 1 muaj burgim dhe 500 euro gjobë për prostitucion

Dënohet me 3 vjet e 1 muaj burgim dhe 500 euro gjobë për prostitucion
Foto: Ilustrim/Koha
 

Gjykata Themelore në Gjilan ka shqiptuar Aktgjykim dënues ndaj të akuzuarit me inicialet N.M. në kohëzgjatje prej 3 vjet e 1 muaj burgim dhe 500 euro gjobë.

I akuzuari, siç njofton Gjykata, gjatë muajit maj 2018 në kohë të pacaktuar në Restorantin “Hareja” në Kamenicë, në mënyrë të vazhdueshme ka organizuar, rekrutuar dhe ndihmuar për qëllime të prostitucionit të dëmtuarën F. M. në atë mënyrë që e njëjta të ofrojë shërbime seksuale me pagesë klientëve, në këmbim të hollave, gjithashtu i akuzuari në fjalë ka qenë në dijeni që e dëmtuara është e moshës nën 16 vjeç.