Kronikë

Ndalohen 7 të dyshuar për hyrje “në sisteme kompjuterike, mashtrim dhe shpëlarje të parave”

Descriptive Text

Policia e Kosovës me urdhër të Prokurorisë Speciale, ka zhvilluar një aksion në shtatë lokacione të ndryshme në Kosovë, ku janë arrestuar shtatë persona të dyshuar për vepra të ndryshme penale.

Prokuroria e Policia kanë njoftuar se gjatë aksionit janë sekuestruar vetura, armë, municion dhe mjete të konsiderueshme materiale.

Dyshohet se personat e përfshirë janë përfshirë në vepra penale si “hyrje në sisteme kompjuterike”, “mashtrim” dhe “shpëlarje të parave”.

“Me urdhër të Prokurorisë Speciale (PS), Policia e Kosovës ka ndërmarr një aksion në shtatë lokacione të ndryshme të Kosovës, ku janë arrestuar shtatë (7) persona të dyshuar për vepra të ndryshme penale. Prokuroria Speciale dhe Policia e Kosovës, njoftojnë opinionin se gjatë këtij aksioni janë sekuestruar disa vetura, armë, municion, mjete të konsiderueshme materiale, si dhe prova të tjera materiale të cilat dyshohen se janë përdorur për kryerjen e veprave penale. Aksioni është zhvilluar në shtatë (7) lokacione të ndryshme me dyshimin se personat e ndaluar janë përfshirë në kryerjen e veprave penale, ‘’Hyrje në sistemet kompjuterike’’, ‘’Mashtrimi’’ dhe ‘’Shpëlarje e parave’’”, thuhet nga Prokuroria Speciale e Kosovës.