Policia e Kosovës ka bërë të ditur se ka gjetur të shtunën pa shenja jete një burrë në Pejë.
Policia në raport ka njoftuar se pranë viktimës është gjetur një pushkë gjuetie. Trupi është dërguar për obduksion, ndërsa rasti po hetohet.
“Rr. Vesli Klark, Pejë, 18.11.2023 – NN. Raportohet se është gjetur pa shenja jete viktima mashkull kosovar, ku afër tij është gjetur dhe konfiskuar një pushkë gjuetie. Me vendim të prokurorit, trupi i pa jetë i viktimës është dërguar në IML për obduksion. Rasti duke u hetuar”, thuhet në raportin e Policisë.
Një rast tjetër i “hetimit të vdekjes” ka figuruar në raportin 24-orësh të Policisë. Është thënë se një burrë ka vdekur në Klinikën e Neurologjisë në QKUK rreth orës 00:30 të shtunën dhe se stafi mjekësor nuk kishte të dhëna personale të tij.
“Pasi që viktima është banor i Komunës së Kamenicës, informata është dërguar në Regjionin e Gjilanit. Me urdhër të prokurorit kujdestar, trupi i pa jetë është dërguar në IML për obduksion”, thuhet në njoftim të Policisë.
© KOHA. Të gjitha të drejtat janë të rezervuara.
