Një zjarr ka përfshirë një autoservis në Duhël të Suharekës.
Zëdhënësi i Policisë për Rajonin e Prizrenit, Shaqir Bytyqi, ka njoftuar për KOHËN se është raportuar për zjarrin rreth orës 14:45, ndërsa në ndihmë për shuarje të zjarrit kanë ardhur edhe zjarrfikës nga Mamusha dhe Prizreni.
Ai ka thënë se dy qytetarë dhe një zjarrfikës kanë kërkuar ndihmë mjekësore për shkak të tymit.
“Nga një qytetar, rreth orës 14:45 është njoftuar se një zjarr i madh është ndezë në Duhël të Suharekës, në këtë rast zjarri ka përfshi një autoservis ku janë djegur disa vetura dhe demi material është i madh. Policia dhe zjarrfikësit kanë dalë në vendngjarje. Deri më tani nuk ka raportime për të lënduar, ka vetëm dëme të media materiale, megjithatë 2 qytetarë dhe një zjarrfikës kanë kërkuar ndihmën e mjekut për shkak të tymit”, ka njoftuar Bytyqi.
Bytyqi ka treguar se pas disa orëve zjarri është arritur të shuhet.
© KOHA. Të gjitha të drejtat janë të rezervuara.
