Vidhet një sasi e konsiderueshme e insulinave në një depo në Graçanicë
Foto: Ilustrim
Policia e Kosovës ka njoftuar se është raportuat një rast i vjedhjes së insulinave në një depo në fshatin Preoc, në Graçanicë.
Rasti, i cili po trajtohet si vjedhje e rëndë, thuhet se ka ndodhur në orët e para të së mërkurës. Nuk është bërë e ditur vlera e saktë e insulinave të vjedhura, por thuhet se është vlerë e konsiderueshme.
“Preoc, Graqanicë. 20.09.2023 – 03:10. Ankuesi mashkull kosovar, ka njoftuar se nga persona të panjohur është depërtuar në depon e firmës së tij dhe prej aty kanë vjedhur medikamente mjekësore (insulina) në vlerë të konsiderueshme”, thuhet në raportin e Policisë. Rasti thuhet se është në hetime.
