Policia e Kosovës është duke e hetuar një rast të falsifikimit të parëse që dyshohet se ka ndodhur në një bankë në Ferizaj.
Sipas raportit të Policisë rasti në Polici është raportuar nga një zyrtarë i bankës, i cili ka raportuar se klientë të ndryshëm kanë deponuar 740 euro që dyshohet të jenë të falsifikuara.
“Rr. ‘Vëllezërit Gërvalla’, Ferizaj. 18.09.2023 – 11:35. Ankuesi mashkull kosovar zyrtar i bankës private ka informuar se nga klientë të ndryshëm janë deponuar 740 €, të cilat dyshohet se janë të falsifikuara. Monedhat janë konfiskuar dhe rasti është duke u hetuar”, thuhet në raportin e Policisë.
