Një person ka vdekur pasi është goditur nga vetura në rrugën “Xhevat Dogani” në Drenas.
Zëdhënësja e Policisë, Flora Ahmeti, ka njoftuar se vdekjen e viktimës e ka konstatuar ekipi mjekësor në Qendrën Klinike Universitare të Kosovës.
Ahmeti shtoi se ngasësja e automjetit të përshirë në aksident është arrestuar.
“Rreth orës 10:40 kemi pranuar informatën se në rrugën ‘Xhevat Dogani’-Drenas, ka ndodhur një aksident trafiku me pasoja fatale. Në këtë aksident kanë qenë të përfshirë, një këmbësor dhe një veturë në lëvizje. Si pasojë e aksidentit lëndime të rënda trupore kanë pësuar këmbësori, i cili nuk ka arritur të përballojë plagët dhe i njëjti ka ndërruar jetë”, ka thënë Ahmeti.
Ajo ka bërë të ditur se ngasësja e automjetit të përfshirë në aksident është arrestuar.
Policia ka nisur hetim mbi zbardhjen e rrethanave që kanë çuar deri te ky aksident.
© KOHA. Të gjitha të drejtat janë të rezervuara.
