Një person ka njoftuar Policinë se derisa po drejtonte veturën në fshatin Sibovc të Podujevës, në drejtim të tij është gjuajtur me armë zjarri nga një i dyshuar.
Sipas njoftimit, rasti ka ndodhur të mërkurën në orën 19:34, ndërsa në pjesën e pasme të veturës janë gjetur pesë predha.
Njësitet policore kanë dalë në vendin e ngjarjes dhe kanë kontrolluar shtëpinë e të dyshuarit, por nuk kanë gjetur asgjë të dyshimtë.
I dyshuari, sipas Policisë, gjendet në arrati.
Rasti është iniciuar si “vrasje në tentativë”.
