Policia e Kosovës ka njoftuar se një burrë është gjetur i vdekur në shtëpinë e tij në fshatin Poslisht të Prizrenit. Sipas raportit të Policisë dyshohet se ai ka bërë vetëvrasje me armë zjarri.
Ngjarja thuhet se ka ndodhur të dielën rreth orës 21:00.
“Raportohet se në shtëpinë e tij është gjetur pa shenja jete viktima mashkull kosovar. Njësitë relevante policore dhe një ekipet mjekësore kanë dal në vendin e ngjarjes, mjeku përgjegjës ka konstatuar vdekjen e viktimës. Dyshohet se viktima ka kryer vetëvrasje me armë zjarri. Në vendin e ngjarjes është gjetur dhe konfiskuar një armë dhe një gëzhojë plumbi që dyshohet se është përdorur në rast si dhe 13 fishekë”, thuhet në raportin e Policisë.
Po ashtu thuhet se janë sekuestruar edhe dy pushkë me 20 fishekë, dy revole, gjashtë karikatorë dhe 130 fishekë.
Me vendim të prokurorit kujdestar, thuhet se trupi i pajetë është dërguar në Institutin e Mjekësisë Ligjore për obduksion.
