Kronikë

30 ditë paraburgim policit të dyshuar për plagosjen në veri

Descriptive Text

Gjykata Themelore në Mitrovicë ia ka caktuar masën e paraburgimit prej 30 ditësh policit të dyshuar për plagosjen në veri të vendit, ditë më parë. Ndaj tre policëve të tjerë të përfshirë në rast u caktua masa e arrestit shtëpiak, ka shkruar të enjten “Betimi për Drejtësi”.

Polici K.P. dyshohet për veprat penale “vrasje në tentativë” dhe “manipulim me prova”. Tre policët tjerë, S.U., F.M., dhe M.M. dyshohen për “moslajmërim të veprës penale”.

Të hënën, në veri fillimisht u raportua për një serb të plagosur nga të shtënat me armë prej Policisë. Policia doli me reagim pak orë duke mohuar rastin. Megjithatë disa orë më vonë, të martën pasdite, Policia njoftoi se pas hetimeve ka dyshime për përfshirje të policëve në rast.

Pas plagosjes ka pasur edhe protesta në veri.