Kronikë

Zvicër, një vit burgim me kusht për yllin shqiptar të rrjeteve sociale

Bendrit Bajra

Gjykata e Qarkut në Dietikon të Zvicrës ka dënuar me një vit burgim me kusht yllin shqiptar të rrjeteve sociale Bendrit Bajra (27), pasi ai në vitin 2016 kishte drejtuar veturën nga ulësja e pasagjerit me shpejtësi 100 kilometra në orë, raporton “Blick”.

Bajra të mërkurën u paraqit në gjykatë ku u akuzua për tri raste. Për shmangie të shërbimit ushtarak, porositje të një laseri ilegal dhe për ngasje të rrezikshme të veturës.

Bajra është dënuar me një vit burgim me kusht, me një periudhë prove prej dy vjetëve dhe një gjobë me kusht prej 100 tarifa ditore me nga 130 franga.

Po ashtu atij do t’i merret patentë shoferi për afro dy vjet.

Bajra tha se tash është më i pjekur, ndërsa kishte thënë se nuk ishte qëllimi i tij të shkaktonte rrezik.

“Së pari do të kërkojë një arsyetim me shkrim e më pas do të diskutojmë të kalojmë në gjykatën kantonale”, ka thënë Bajra.