Policia e Kosovës ka njoftuar se ka arrestuar një person të dyshuar për dy raste të vjedhjeve në Kaçanik.
Sipas Policisë vjedhjet kanë ndodhur më 18 janar rreth orës 07:50.
“Policia e stacionit në Kaçanik kishte pranuar një informacion se në rrugën " Ismajl Raka" në Kaçanik ishin kryer dy vjedhje në dy kafene të qytetit, ku nga persona të panjohur ishin vjedhur një shumë e parave dhe disa pije(shishe) të alkoolit”, thuhet në njoftimin e Policisë.
Në lidhje me këtë policët hetues të stacionit në Kaçanik nën autorizim të prokurorit kujdestar nga Prokuroria Themelore në Ferizaj i kishin nisur hetimet.
“Pas një pune intensive hetimore, grumbullimit të informacioneve në terren, shikimit të kamerave të sigurisë, kanë identifikuar dhe sot, datë 23.01.2023 rreth orës 11:00 kanë arrestuar të dyshuarin I.R (M/K) i moshës 17-vjeçar. I dyshuari është shoqëruar në stacionin e policisë në Kaçanik dhe pas intervistimit nga policët hetues, në prani të avokatit të caktuar sipas detyrës zyrtare ka pranuar se i vetëm i ka kryer këto vjedhje”, thuhet në njoftim.
Me vendim të prokurorit të rastit është dërguar në mbajtje për 24 orë, për procedura të mëtejme hetimore.
© KOHA. Të gjitha të drejtat janë të rezervuara.
