Policia e Kosovës ka dhënë të shtunën detaje të tjera rreth vetëvrasjes së dorasit të gruas shtatzënë.
Në raportin 24-orësh të Policisë thuhet se në vendin ku dorasi ka kryer vetëvrasjen është gjetur një pistoletë me një karikator pa fishekë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Njësitë policore kanë zhvilluar një aksion për arrestimin e të dyshuarit kosovar lidhur me rastin vrasje. Gjatë intervenimit është arritur që të largohen anëtarët e familjes nga shtëpia, ndërsa i dyshuari nuk ka pranuar negocimin me policinë dhe ka qëlluar veten me revole. Vdekjen e viktimës e ka konstatuar ekipi mjekësor. Në vendin e ngjarjes është gjetur dhe konfiskuar një pistoletë me një karikator pa fishekë dhe një predhë. Përveç njësive të nevojshme policore në vendin e ngjarjes ka dalë edhe prokurori. Me vendim të prokurorit trupi i pa jetë është dërguar në IML për obduksion”, thuhet në raportin e Policisë.
S.H., ka vrarë me armë zjarri të mërkurën bashkëshorten e tij me të cilën ishte në procedurë divorci, H.M. E ndjera është qëlluar për vdekje para Klinikës së Gjinekologjisë në QKUK, derisa ishte në javën e 41 të shtatzënisë.