Një muaj paraburgim 70-vjeçarit që vrau gruan në Prishtinë
FOTO: Shtëpia ku ka ndodhur vrasja
Gjykata Themelore në Prishtinë i ka caktuar masën e paraburgimit në kohëzgjatje prej një muaji 70-vjeçarit I.G. që vrau gruan 63-vjeçare paraditen e së premtes në kryeqytet.
Lajmi është konfirmuar nga zëdhënësja e Gjykatës Themelore në Prishtinë, Mirlinda Gashi.
70-vjeçari, që u dorëzua në Polici pasi kreu vrasjen, është i ngarkuar me veprën penale “vrasje e rëndë”.
Gruaja që mbeti e vrarë ishte mësimdhënëse në shkollën fillore “Dardania”. U varros sot.
