Një vajzë është arrestuar për shkak se dy ditë më parë ka shkaktuar dëme në Kompleksin Memorial “Adem Jashari” në Prekaz.
E dyshuara është dërguar në mbajtje 48-orëshe dhe lënda është proceduar tutje.
Lidhur me veprën, nga Policia e Kosovës nuk janë dhënë detaje se ku saktësisht është shkaktuar dëmi në kompleks.
Megjithatë, rasti është iniciuar si “Dëmtim, shkatërrim dhe nxjerrje e paautorizuar e monumenteve ose objekteve të mbrojtura jashtë Republikës së Kosovës”.
“Mbi dyshime të arsyeshme për kryerje të veprës penale ‘Dëmtim, shkatërrim dhe nxjerrje e paautorizuar monumenteve ose objekteve të mbrojtura jashtë Republikës së Kosovës’, është arrestuar një e dyshuar femër, të cilës nga ana e Prokurorit i është caktuar masa e ndalimit për 48 orë, lënda është proceduar në Prokurori”, njoftoi policia.
© KOHA. Të gjitha të drejtat janë të rezervuara.
