Gjashtë shqiptarë, mes tyre një grua, dolën sot përpara një gjykate në Londër si të akuzuar për pengmarrjen e një shqiptari në kryeqytetin britanik.
Shumica e të arrestuarve janë një grup kriminal nga Vlora që kontrollonte disa shtëpi bari ngritur Mançester dhe qytete të tjera të Anglisë.
Zyra e shtypit në Metropolitan Police i tha Top Channel se për pengmarrjen e të riut nga Fieri, emigrant në Angli, akuzohen këta persona:
N.A. 26 vjeç banues ne Atterbury Road, Haringey, akuzohet për rrëmbim person, burgosje të rreme, posedim me qëllim shitje lëndë narkotike kanabis dhe kërcënim për të vrarë.
Xh.G. 28 vjeç, akuzohet për rrëmbim person, burgosje të rreme.
F.A. 27 vjeç, banues ne New Road, Peterborough, akuzohet për rrëmbim person, burgosje te rreme.
A.B. 26 vjeç banues në Aylestone Avenue, Brent, Londër, akuzohet për rrëmbim person, burgosje te rreme.
E.C. 30 vjeç, banues në Barrington Street, Mançester, akuzohet për rrëmbim person, burgosje te rreme.
E.A. 28 vjeçe, banuese në Barrington Street, Mancester akuzohet për burgosje të rreme.
Të gjashtë të arrestuarit iu komunikuan akuzat në gjykatën Willesden Magistrates.
Më 28 tetor ata do të dalin përpara gjykatës së krimeve Harrow Crown Court.
Mësohet se 30-vjeçari u mbajt peng për 12 ditë dhe pak përpara se të mbaronte afati për të paguar 400.000 stërlina u arrestuan.
Për lirimin e tij, u përfshi Policia e Shtetit, duke bashkëpunuar me NCA- FBI-n britanike dhe Policinë Metropolitane londineze.
Pas lirimit, 30-vjeçari i marrë peng ndodhet në spital, nën ruajtjen e policisë. Mësohet se ai ka dëmtime të shumta trupore pas një dhune të fortë gjatë kohës kur u mbajt peng ne lindje të Londrës./ TCH
