Katër persona janë lënduar në një vetaksident që dyshohet se ka ndodhur në fshatin Lushtë të Mitrovicës.

Zëdhënësi i Policisë për rajonin e Mitrovicës, Avni Zahiti, ka thënë se aksidenti në segmentin rrugor Mitrovicë-Pejë, ndodhi në orën 14:00.

“Aksidenti trafiku me lëndime i ndodhur rreth orës 14:00, në rrugën rajonale Mitrovicë-Pejë, segmenti rrugor në fshatin Lushtë të Mitrovicës. Në aksident u përfshi një veturë. Si pasojë e aksidentit, katër persona kanë pësuar lëndime”, ka thënë ai.