Në orët e para të mëngjesit të së hënës, zyrtarë policorë të stacionit Qendra në Prishtinë, kanë shoqëruar tre persona, ndërkohë që kanë sekuestruar dy armë zjarri, ka njoftuar Policia të hënën në Facebook.
Sekuestrimi i armëve është bërë në dy lokacione, një në një klub nate dhe një tjetër në rrugën "Ahmet Krasniqi".
“Personat e dyshuar janë shoqëruar në stacion policor dhe ndaj tyre është iniciuar rast për mbajtje në pronësi, kontroll ose posedim të paautorizuar të armës dhe në konsultim me prokurorin e shtetit të njëjtit janë proceduar më tej”, thuhet në njoftim.
