Policia ka arrestuar një person të moshës 34-vjeçare në Ferizaj të premten. Ai dyshohet se ishte duke kryer një grabitje.
Sipas njoftimit, Policia rreth orës 11:50 ka pranuar një informacion nga qytetarët se përballë një lokali afarist në rrugën "Vëllezrit Gërvalla" në Ferizaj është një rast i grabitjes në proces.
Në lidhje me këtë, Policia i ka marrë veprimet e nevojshme dhe është nisur në drejtim të vendit të ngjarjes.
“Policia ka arritur që ta arrestojë në flagrancë të dyshuarin me inicialet K.B i moshës 34-vjeçare, i cili po mbante nën kërcënim me thikë viktimën me inicialet V.S i moshës 34-vjeçare, për t'ia grabitur një shumë të caktuar të parave”, thuhet në njoftim.
I dyshuari është dërguar në mbajtje për 48 orë.
-
23 shtator 2022 15:40
-
Shpërndaje në: