Prokuroria Themelore e Gjilanit ka bërë të ditur se ka arrestuar dy persona, të dyshuar për blerje, posedim, shpërndarje dhe shitje të paautorizuar të narkotikëve.
Sipas njoftimit të enjten, të dyshuarit janë ndaluar nga Policia e Kosovës në Gjilan derisa ishin në lëvizje me veturë, në të cilën janë gjetur më shumë se 15 kg marihuanë.
“Te njëjtit janë ndalur nga Policia e Kosovës, në hyrje të fshatit Bresalcë, komuna e Gjilanit, deri sa kanë qenë duke lëvizur me automjetin e tyre dhe gjatë kontrollit të veturës janë gjetur dhe sekuestruar, rreth 15 kg e 300gr substancë narkotike të llojit “Marihuan”, si dhe gjatë bastisjes së realizuar në shtëpinë e njërit të pandehur në Mitrovicë, janë gjetur dhe sekuestruar 3 kg e 200 gr, substancë narkotike të llojit “Marihuan”, e destinuar për shitje”, thuhet në njoftim.
Të dyshuarit janë ndaluar për 48 orë dhe ndaj tyre do të kërkohet masa e paraburgimit.
© KOHA. Të gjitha të drejtat janë të rezervuara.
